Haur Besoetakoa Saila
'Haur Besoetakoa' Unai Iturriaga gidoilaria eta Alex Sanvi irudigilearen arteko lankidetzaz sortuako komiki saila da, Ikastolen Elkarteak argitaratzen duen Xabiroi aldizkarian atalez atal agertzeko helburuarekin: 3 album osatu dira pertsonariaren istorioak jasoz.
2007ko azaroko Xabiroi aldizkariaren 10. zenbakian agertu zen pertsonaia lehen aldiz, eta 2014 urtean argitaratu zen lehen liburukia (kontutan eduki behar da urtero 4 aldizkari argitaratzen direla)
HAUR BESOETAKOA SAILA[aldatu]
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 2014 10 URRIA | Litxarrerien Jauna Haur Besoetakoa Saila 1 | Ikastolen Elkartea/Xabiroi | Unai Iturriaga | Alex Sanvi | Euskaraz Jatorrizkoa | 2007ko azaroan hasiera Xabiroi aldizkariaren 10. zenbakian eta ondoren atalka 17,19,21,22,28, 30 zenbakietan eta amaiera 2014ko urriko 33. zenbakian. Albumerako azken orrialde bat sortu zuten espreski) | |
| 2018 10 URRIA | Paristik datorren artista Haur Besoetakoa Saila 2 | Ikastolen Elkartea/Xabiroi | Unai Iturriaga | Alex Sanvi | Euskaraz Jatorrizkoa | Hasiera 2015eko urrian, Xabiroi aldizkariaren 37. zenbakian eta ondoren atalka 38,40,41,43,45 zenbakietan eta amaiera 2014ko urriko 46. zenbakian. | |
| 2022 09 IRAILA | Itsasoan urak handi Haur Besoetakoa Saila 3 | Ikastolen Elkartea/Xabiroi | Unai Iturriaga | Alex Sanvi | Euskaraz Jatorrizkoa | Hasiera 2019ko otsaileko Xabiroi aldizkariaren 51. zenbakian, azken atala 2021 urrian, aldizkariaren 61 zenbakian | |
| GUZTIRA : 3 KOMIKI |
Berria egunkariari eskainitako elkarrizketan, Unai Iturriagaren hitzetan "Ume bat da pertsonaia nagusia. Hasieran, nolabait esanda, umeen munduko mafioso bat zen. Haur besoetakoa... badakizu, Coppolaren Aitajauna filmetako giro beltz hori umeen mundura ekarria, ispilu bat ipintzeko helduen munduaren aurrean. Gaur egun ez dauka mafia kutsu hori. Jarraitzen duena da umeen munduaren bitartez nagusiena islatzen. Pertsonaia ume bat da, eta beti izango da umea. Ni oso koadratua naiz, eta baneukan kezka bat pertsonaiaren denborarekin, eta banindoan beti kronologikoki aurrera; Danik esan zidan arte: «Baina zu tontoa zara? Mafalda beti da umea».
Oker ez banago, Alex eta biok 2007an hasi ginen. Dani Fanok deitu zidan. Hark koordinatzen du Xabiroi komiki aldizkaria. Ni beti izan naiz marrazki zalea, komikiak irakurri ditut, Arte Ederretan ere ibili nintzen, eta utzi nuen. Irudiaren mundua albora lagata neukan, Danik deitu zidan arte, esanez gidoi bat egiten hasteko Alexekin, froga moduan. Eta gaur arte. Betiko zorretan egongo naiz Danirekin, hark ekarri baininduen komikiaren mundura: jendea ezagutarazi, Angulemara joan... Eta asko gustatu zitzaidan giro hura.
Hain zuzen ere, 2007ko azaroan agertu zen lehen aldiz 'Haur Besoetakoa' Xabiroi aldizkariaren 10. zenbakian, eta etenaldi baten ondoren Xabiroiko 17,19,21,22,28, 30 zenbakietan agertu ziren pertsonariaren istorioak sailaren amaiera 2014ko urriko 33. zenbakian iritsi zen.
Bien bitartean, Unai Iturriagak Alex Sanvirekin 'Udaberririk ankerrena' albuma egin zuen 2011n.
2014 urrian argitaratu zen 'Litxarrerien jauna' Haur Besoetakoa sailaren lehen liburukia. Albumerako azken orrialde bat sortu zuten espreski.
Haur Besoetakoa eta Lolita pertsonaien bigarren istorio zikloari 2015eko urrian eman zitzaion hasiera, Xabiroi aldizkariaren 37. zenbakian: ondoren atalez atal agertu zen 38,40,41,43,45 zenbakietan eta amaiera 2014ko urriko 46. zenbakian izan zuen.
2018ko urrian argitaratu zen 'Paristik datorren artista' albuma.
2019ko otsaileko Xabiroi aldizkariaren 51. zenbakian hasi zen hirugarren albumaren hasiera izango zen lehen atala, azken atala 2021 urrian, aldizkariaren 61 zenbakian
Iturriaga Sanvi-ri buruz: Alex Sanvi marrazkilari bikaina da. Gallartakoa da. Harreman oso ona daukagu. Konpartitzen ditugu gauza asko, nire gainontzeko kolaborazioetako jendearekin konpartitzen ez ditudanak. Eta badakizu, kolaborazio batzuk konplexuak izaten dira; baina Alexekin dena erraza da. Euskal kulturaren unibertsoan komikiak oihartzunik ez daukan arren, halako kalitateko album argitalpenak benetan garrantzitsuak dira niretzat, nire lorpen handienen pare dauzkat. Asko betetzen nau horrek.
Unari Iturriagari egindako zenbait elkarrizketa
