Adur Larrea
Adur Larrea Bilbon 1982. urtean jaiotako komikigilea da. Arte Ederrak ikasi zituen Leioako unibertsitatean. Ilustrazio lanak egin ditu prentsa eta liburugintzarako, bideo animazio eta grafismo lanetan aritzen da. Ziburun bizi eta Kanaldude telebista kanalean egin du lan.
'Putz' aldizkarian argitaratu zituen lehen lanak.
'Nola atera EGA (euskara jakin jabe)' libururako ilustrazioak egin zituen.
‘Euskara jendea’ dokumentalean parte hartu zuen, grafismo lanak eginez.
2005ean Bilboko Aste Nagusiko kartel lehiaketa irabazi zuen Unai Requejorekin batera, eta 10 urte beranduago festa horiei buruzko zinta batzuk egin zituen.
2010ean "Okatxu hegal egiten" komikia argitaratu zen, Mattin Irigoienen gidoiaz, Asisko Urmenetaren marrazkiekin eta Adur Larrearen koloreztatze lanarekin.
2010 eta 2011 urteetan egunero komiki-zintak argitaratu zituen Berria egunkarian. Aizu Aldizkarian ere argitaratu izan ditu 2014 urtetik aurrera, baita Berria, Xabiroi, Bertsolari, Entzun!, H28, Jakin, Aizu! eta Argian.
Literatur lanen ilustrazioan Elea, Pamiela, Elkar, Erroa, Igela... argitaletxerentzako lan egin du.
Gabriel Aresti Kultura Elkarteak Adur Larreari Gabriel Arestiri buruzko komiki bat egiteko enkargua egin zion eta urtebeteko dokumentazio eta marrazketa lanen ondoren 2015ean Gabriel Aresti BioGrafikoa eleberri grafikoa argitaratu zen. Argitaletxearen webgunean irakurri daitekenez "Gabriel Arestiren familiaren laguntza eta aholkularitza izan du Larreak eleberri grafikoa egiteko. Izan ere, bilbotar idazlearen izena eta bere lanak ezagutzera emateko Aresti idazlearen sendiak eta Zenbat Garak eratutako ekimena izan da biografia grafiko hau. Idazlearen alderdi humanoa islatzen ahalegindu da Larrea lan honetan, izan ere, biografia zehatz eta mardul asko egin dira bere ekarpen intelektualetan zentratuta, literaturan edo euskararen inguruko lanetan, baina hemen pertsona eta bere bizitza izan da aztergai nagusia. Horretarako, idazlearen biografiatik ezagutzen dugunaz harago heltzeko, Aresti familiak emandako laguntza funtsezkoa izan da, idazleak bizi izandakoak kontatuz eta material grafiko ugari helaraziz."
2013tik aurrera Bertsolari aldizkarian Mikel Begoña gidoigilearekin The last shot komiki saila hasi zuen (Xabiroien ere 34. zenbakian badago izenburu bereko istorio bat), eta 2017 urtean album moduan merkaturatu zen Arditutakoak izenburupean.
H28 saretirikoan parte hartu zuen.
Xabiroi aldizkarian maiztasunez argitaratu izan du: 2011 Otsaileko 22 zenbakiak @ndroid istorioa sortu zuen Asiskorekin batera.
2012 ekainetik aldizkariaren 26. zenbakitik 2017ko otsaileko 43. alera bitarte Xabiroienea zinta argitaratu zuen, komikigileen gora beherak gaitzat hartuta; aldizkariko atal finko horren erreleboa Aritz marrazkilariari eman zion.
2012ko otsailean 25. zenbakian Ezkurdi lana argitaratu zuen, bere gidoiaz, eta 2014ko abenduan lehen aipatutako The last shot, Mikel Begoñarekin.
Zuzenean marraztu ohi du, adibidez 2017ko Parrapean eta Komikilabea jardunaldietan.
2017an Argia aldizkarian umore grafiko arloko lanak argitaratzen hasi zen.
2018an Nabarralderen enkarguz eta Miren Mindegiaren gidoiaz Maria Zugarramurdikoa eta sorginduak izan ziren emakumeak komikia sortu zuen.
Animazio eta grafismo arloan, besteren artean, proiektu hauetan parte hartu du: ·Jainkoak ez dit barkatzen', 'Paperezko hegoak', 'Bost teilatu'...
Eusko Jaurlaritzak komikigintza sustatzeko antolatutako bigarren diru laguntza deialdiaren barne jasotako sariari esker eta Harkaitz Cano idazlearekin elkarlanean "Antzara eguna" komikia sortu zuten: 1984an GAL-ek hildako Santi Brouard-en azken uneak komikiratuko dituzte. 2019ko azaroan Txalapartak argitaratu zuen euskaraz eta katalanez eta galegoz argitaratzea ere aurreikusten da.
Azaroaren 19an "Antzara eguna" komikia Bilboko La Bolsan aurkeztu zen, Harkaitz Cano, Adur Larrea eta Txalapartako editore den Garazi Arrularen eskutik. Nafarroako Edizioaren azokan aleak sinatzen egon ziren autoreak ere.
2020ko maiatzean Antzara Egunaren bigarren edizioa kaleratu zen eta katalanezko, galizierazko eta gaztelaniazko itzulpenak argitaratu zituzten.
2020 urtean Gara egunkariak 'Iraultza eta bizi!' komikia argitaratu zuen, Mikel Antzaren gidoiaz eta Adur Larrearen irudiekin.
| 2021 urtean Euskal kultur erakundeak eta Elkar Fundazioak "EKE-Elkar literatura beka" izeneko beka berria bultzatu zuen, 2000. urtean sortu Gazteluma saria ordezkatuko duena,ipar Euskal Herriko sorkuntza literarioa sustatzeko asmoarekin. 6000 euroko beka hori euskaraz sortzen duten Ipar Euskal Herriko autoreei zuzendua da. 2021 urtean literatura generotzat eleberri grafikoa eta komikia hautatuak izan dira (edizio bakoitzean aldatuko da).
EKEren webgunean adierazten denez, "lehen edizio honentzat, kalitate handiko sei proposamen eskuratuak izan dira eta Adur Larrea-ren proposamena atxikia izan da. Ziburutarrak Lurbinttoko ohoinak izeneko komiki historiko baten egitea aurreikusia du, zuri eta beltzez. Gertakariak, 1789ko Frantses Iraultzaren ondotik iragaiten dira eta ohoin banda baten abenturak deskubrituko ditugu. Egileak, 2022ko martxoa arte badu bere lana bururatzeko eta ondotik, Elkar-ek argitaratuko du." |
2011 urtean Bertsolari aldizkariko abenduko 84. zenbakian egina zuen Larreak istorio labur bat
2022 urte hasieran Txakomic ekimenerako euskarri digitalean 'Rokail' istorio laburra marraztu zuen, Mikel Begoñaren gidoiaz.
Txakolinguneko webgunean eskuratu daitezke Txakomic ekimeneko komiki guztiak.
|
2022ko udazkenean argitaratu zen'Lurbinttoko ohoinak' komikia |
ELKARRIZKETAK
* Elkarrizketa Iparraldeko Hitzan
* Elkarrizketa Euskal Irratiak webgunean
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 2022 11 AZAROA | Lurbinttoko ohoinak | Elkar/EKE-Elkar literatura beka | Adur Larrea | Adur Larrea | Euskaraz Jatorrizkoa | 2022 | |
| 2020 11 AZAROA | Burgosko Auzia. Iraultza eta bizi! | Gara | Mikel Antza | Adur Larrea | Euskaraz Jatorrizkoa | 2020 | |
| 2019 11 AZAROA | Antzara Eguna | Txalaparta | Harkaitz Cano | Adur Larrea | Euskaraz Jatorrizkoa | 2019 11 AZAROA | |
| 2018 11 AZAROA | Maria Zugarramurdikoa eta sorginduak izan ziren emakumeak | Nabarralde | Miren Mindegia | Adur Larrea | 2 edizio, euskaraz/gazteleraz | 2018 11 Azaroa | |
| 2017 11 AZAROA | Arditutakoak | Bertsozale Elkartea Bertsolari Aldizkaria 108 | Mikel Begoña | Adur Larrea | Euskaraz Jatorrizkoa | 2017 11 AZAROA | |
| 2015 10 URRIA | Gabriel Aresti BioGrafikoa | Erroa/Gabriel Aresti Kultura Elkartea | Adur Larrea | Adur Larrea | Euskaraz Jatorrizkoa | 2015 10 URRIA |
