Susana Domínguez Lerena

Susana Domínguez Lerena Basogintzako Ingeniari eta Mendi Ingeniaria da. Estatu espainiarreko lurralde askotan egin du lan, zuhaitzen inguruko sentsibilizazio jarduera anitz sustatu ditu eta liburu ugari idatzi: dibulgazioan, haur literaturan... Guztira IA 20 liburu eta hainbat artikulu idatzi ditu, eta lan handia egin du komunikabideetan, irratian eta telebistan.

UPMko Lorategi Historikoen eta Zerbitzu ekosistemikoen Masterreko irakaslea eta UNIReko Hiri Ekologia eta Azpiegitura Berdeko Masterraren zuzendaria ere bada.

2004 urtean 'Bosques Sin Fronteras' elkartearen sorkuntzan parte hartu zuen, Nazio Batuen erakundeko lantaldetan aritzen da , Bosques Urbanos SILVAMED lantaldean, eta 'FSC-España'ko lehendakari da.

2021 urtean 'El valor de los árboles' komikia sortu zuen Daniel Rodríguez Redondo ilustratzailearekin elkarlanean. 2022 urtean argitaratu zuen Saurék euskarazko edizioa: maiatzean Barakaldoko Udalarekin lankidetzan argitaratu zituzten lehen aleak, eta urrian salgai jarri zen liburudendetan.

Gasteizen komikiaren aurkezpena antolatu zen. Eusko Jaurlaritza eta Gipuzkoako Foru Aldundiak, besteren artean, edizioaren hainbat ale eskuratu zituzten.

Liburua saltzeagatik jasotako diru-sarreren zati bat ‘Bosques sin Fronteras’ GKEari bideratuko zaio.

EGILEAREN LIBURUAK EUSKARAZ

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 10 URRIA	Zuhaitzen balioa	Saure	Susana Domínguez Lerena	Daniel Rodríguez Redondo	Jatorrizkoa gazteleraz	Aritz Gorrotxategi	2021 11 azaroa, gazteleraz 'El valor de los árboles' Sauré argitaletxea