Philippe Fenech

Philippe Fenech 1976 urtean Montpellier-en jaiotako irudigilea da.

Bedetheque atariaren arabera, txikitan Asterixen abenturak irakurtzeak bultzatu zuen marrazkilaritzaren mundura; orduan ezinezkoa izango zitzaion pentsatzea ere 2021 urtean 'Idéfix et les Irréductibles' proiektuan parte hartuko zukeenik.

Zinema ikasketak egin zituen, eta komikigintzan 'Requin barjot' pertsonaiaren zintak sortu zituen bere herrialdeko egunkari batean.

1999 urtean Curd Ridel gidoilariarekin elkarlanean hasi zen eta 2004 urtean haurrentzako 'Tuff et Koala' serieko lehen liburukiak argitaratu zituzten (Éditions Soleil).

Zinema arloko irakaskuntzan aritzen zen bitartean 'Le Journal de Mickey', 'Mickey Parade' edo 'Super Picsou' aldizkarietan jokoen atalean agertu ziren bere lanak eta Dobbs gidoilariarekin lankidetzan aritu zen gag batzuk egiten.

2003 urtetik aurrera beste lanak utzita komikigintzan aritzen da nagusiki: 'Tuff et Koala'-ri segida eman zion, eta hainbat gidoilariekin elkarlanean sortu zituen 'Anatole et Compagnie' (Nicolas Mitric-en gidoiarekin), 'L’Ordre des Meckkas', (Téhy-ren gidoiarekin), Ulyssee!...

2021 urtetik aurrera 'Idéfix et les Irréductibles' animazio saila sortzearekin batera Obelix-en txakurraren abenturekin argitaratu diren komikietan parte hartu du. Martxoan Idefix eta menderakaitzak sailaren 3. komikia argitaratu da, Arzallusen eskutik euskara egokitutako izenburu ederra duena: Luteziako bizitzia.

4. zenbakia,'Menderakaitzen zirkua' aurki argitaratuko da ere.

K.A. 52. urtean gaude. Erromatarrek Lutezia osoa armaz hartuta daukate osoa ez! Idefix buru duela, Luteziako animalia menderakaitzen banda batek oraindik ere burua makurtu gabe eusten die indarrez sartu nahi dutenei. Eta bizimodua ez da batere erosoa Lutezia erromatartu nahi duten Labienus jenerala eta haren txakur taldearentzat. 

Fenech-ek euskaraz argitaratu diren komikien arteko lehen bi linurukietan parte hartu du.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 02 OTSAILA	Latinari zaunka!	SALVAT/BRUÑO Idefix eta menderakaitzak Saila 1	Yves Coulon / Matthieu Choquet / Jérôme Erbin (Gosciny eta Uderzoren Asterix saila erreferentzia bezala hartuta)	Philippe Fenech / Jean Bastide (Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2021ean, 'Pas de quartier pour le latin!'Les Editions Albert René
2023 11 AZAROA	Kroketak erromatar erara	SALVAT/BRUÑO Idefix eta menderakaitzak Saila 2	Hervé Benedetti/Michel Coulon/Simon Lecocq (Gosciny eta Uderzoren Asterix saila erreferentzia bezala hartuta)	Philippe Fenech / Jean Bastide(Uderzoren Asterix saileko irudiak erreferentzia bezala hartuta)	Jatorrizkoa frantsesez	Maddalen Arzallus Antia	2022an, 'Les Romains se prennent une gamelleLes Editions Albert René