Danele Sarriugarte

Danele Sarriugarte Mochales Elgoibarren 1989 urtean jaiotako idazle, itzultzaile, literatura-kritikaria eta kazetaria da. Lan anitzetan parte hartu du, eta tartean bi komiki istorio motz sortu ditu eta komikiak euskarara ekarri.

Wikipediaren arabera Euskal Herriko Unibertsitatean Itzulpengintza eta Interpretazioan lizentziaduna eta Udako Euskal Unibertsitatean Pentsamendu Kritiko graduondoko ikasketak egindakoa da. Horrez gain, Literatura Konparatuko masterra ikasi du Bartzelonako Unibertsitate Autonomoan.

2012an Igartza Saria irabazi zuen Mamuak izenburuko eleberri proiektua aurkeztuta, eta eleberria Erraiak izenburupean argitaratu zen 2014an.

Itzultzaile gisara, hainbat autoreen lanak ekarri ditu euskarara: Angela Davis, Slavoj Žižek, Henry David Thoreau, Nancy Fraser, Assata Shakur... Poesia eta eleberrian Audre Lorde, David Foster Wallace, Dolores Redondo, Luisa Carnés... Eta Haur eta gazte literaturan Tapper bikien saileko liburuak.

2019 urtean bi komiki laburren gidoian parte hartu zuen.

• Batetik Joseba Larratxe 'Josevisky' irudigilearekin 'Natsegit' komikia sortu zuen Tupust! kolektiboaren lehen antologiarako.

• Bestetik Xabiroi aldizkariak 'Atsotzen naizenean, zer egingo dut?' istorioa argitaratu zuen, non Danele Sarriugartek eta Maite Gurrutxagak Jenny Joseph-en poema baten komiki egokitzapena egin zuten.

2022 urtean Ereinek haur eta gazteentzako bi komiki argitaratu zituen: batetik Amparo Errandonea Donostiarraren 'Egipton barrena: Piankhy, bidaia bat jakinduriara' eta bestetik Ole Mathismoen eta Jenny Jordahl norbegiar sortzaileen 'Zer gertatzen da klimarekin?'. Danele Sarriugarte arduratu zen bi liburu hauek euskarara ekartzeaz.

Uxue Razquin Ereineko editoreak 2 album hauek aurkeztu zituen Naiz Irratiko Bigarren Kafean

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 03 MARTXOA	Egipton barrena: Piankhy, bidaia bat jakinduriara	Erein	Amparo Errandonea	Amparo Errandonea	Jatorrizkoa Gazteleraz	Danele Sarriugarte / Rosetta T.Z	2022 martxoa aldiberean gazteleraz, 'Descubriendo Egipto: Piankhy, un viaje hacia la sabiduría' (Erein)
2022 03 MARTXOA	Zer gertatzen da klimarekin?	Erein	Ole Mathismoen	Jenny Jordahl	Norvegiera	Danele Sarriugarte / Rosetta T.Z	2019 'Hva er greia med klima?' Vigmostad & Bjørke, Norvegia