Bruno Duhamel

Bruno Duhamel 1975 urtean Seine-Maritime-n jaiotako komikigilea da. Arte Plastikoak ikasi zituen eta baita Arte Ederrak Angoulemeko Fakultatean.

Komiki irudigile bezala Brrémaud gidoilariarekin hasi zen lanean eta 2002/2004 urteen artekoa da 'Kochtka' bere lehen saila (2 liburukietan) eta 2006 urterarte ez zuen Komiki berririk argitaratu. Geroztik bakarka (Je suis pas petite !!!) Edo gidoilari ezberdinekin egin du lan sail anitzetan: Harlem, Butch Cassidy,  les Brigades du temps,(3 album Kris-ten gidoiaz) Le Voyage d'abel (Isabelle Sivan-en gidoiaz)... 

biografia osoa . bibliografia.

2017tik aurrera berak marraztutako albumen gidoiak gailentzen joan dira, eta Harriet Ediciones etxeari esker euskaraz irakurri daitezke etapa honetako bere 6 lanak.

2017ko otsailean sortu zuen bere lehen albuma, 'Le retour.',eta 2018ko urtarrilean Frantziar estatuan 'Jamais' izeneko albuma argitaratu zuen, Harriet Edicionesek euskarara urte bereko maiatzean ekarritakoa.

2019an #Nouveaucontact argitaratu zuen (euskaraz 2020ean argitaratua) eta urte berean 'Destins animés' album kolektiboan parte hartu zuen.

2022 arte euskaraz eta gazteleraz argitaratu ditu Harriet Ediciones etxeak Duhamelen beste hiru album, 'Abelen bidaia' eta 'Aztarna faltsuak', eta 'Inoiz ez' sailaren 2. eta azken liburukia.

2023ko urrian Bruno Duhamel Euskal Herrian aritu da Frantziar Institutua eta Harriet Edicionesen arteko lankidetza bati esker: urriaren 18an, asteazkena, 18: 00etan, Bilboko Joker espazioan, Euskalduna kaleko 6. zenbakian. Urriaren 19an, osteguna, 18: 00etan Caracola Comics-en, San Prudentzio kalea 5ean, Gasteizen Edo urriaren 20an, ostirala, 19: 00etan, Intxaurrondoko kultur etxean, Donostian.

• Autorearen webgunea

Euskaraz irakurri daitezken bere komikiak

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 11 AZAROA	Inoiz ez: E Eguna / Inoiz ez Saila 2	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2022 09 iraila, 'Jamais: Le Jour J', Frantsesez (Grand Angle)
2022 04 APIRILA	Aztarna faltsuak	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2021 06 Ekaina 'Fausses pistes', Frantsesez (Grand Angle)
2021 09 IRAILA	Abelen bidaia	Harriet Ediciones	Isabelle Sivan	Bruno Duhamel	Frantsesetik itzulia	Miel Angel Elustondo Etxeberria	2014, 'Le Voyage d’Abel' (Les Amaranthes) /2020 (Grand Angle)
2020 10 URRIA	Kontaktuberria	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2019 08 abuztua #Nouveaucontact, Frantsesez (Grand Angle)
2018 05 MAIATZA	Inoiz ez / Inoiz ez Saila 1	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2018 01 urtarrila, Jamais, Frantsesez (Grand Angle)
2017 12 ABENDUA	Itzulera	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2017 02 OTSAILA, Le retour, Frantsesez (Grand Angle)