Ian Nose

Ian Nose izenaren atzean 1984 urtean Oñatin jaiotako Ioannes Busca dago: arkitektura ikasketak egin zituen, marrazkilaria eta diseinatzailea da, bideo lanak egin ditu, Puerto Ricon bizi izan da eta gaur egun Philadelphian bizi da.

Euskaraz,ingelesez, gazteleraz eta katalanez argitaratzen ditu bere lanak,formatu digitalean eta plataforma ezberdinetan (Facebook, Instagram, tumblr, Twitter, Frozeen...) eta bilduma moduan Amazon bidez digitalean eta paperean.

Bere webgunean egindako lanen informazio zabala du: 1997 urtetik egindako komiki batzuk ikusi daitezke bertan,

2011 urtetik 2015 urterarte EdFramed izeneko eguneroko komiki zinta egin zuen jarraikortasunez eta ondoren ale bakanetan agertu izan da.

EdFramed saileko lehen bilduma 2016ko maiatzean argitaratu zuen eta 2011ko azarotik 2012ko urtarrilera egindako zintekin osatu zuen. Bigarren bilduma 2016ko abuztuan argitaratu zuen, eta 2015eko lehen 3 hilabeteetako zintak jasotzen dira bertan. Euskaraz,ingelesez eta gazteleraz liburuki bana eskuratu daiteke, bakoitzean 58 zinta jasotzen direlarik.

2015 urtearen amaieran,Espainiar Estatuko auteskunde orokorrak gaitzat hartuta, Antxitxiketan lasterketa demokratikoa saila hasi zuen Facebook, Instagram eta Frozeen atarietan komikiak argitaratuaz. Bigarren atalari abenduaren 28an ekin zion. Lan guztien bildumak hurrenez hurren 2016 eta 2017 urteetan argitaratu zituen.

2017ko martxoan Non Legimus: The War of The Words komikia argitaratu zuen, Gabriel Alejandroren gidoiarekin eta Puerto Ricoko Bayamón-en ospatu zen Tintero Comics jaialdian aurkeztu zen: ingelesez,euskaraz, gazteleraz eta katalanez eskuragarri jarri zen.

Beste lanen artean Laino mehe komikizaleon atariaren logoa egin zuen.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
03 MARTXOA	Non Legimus: Hitzen gerra	Ahabi Comics	Gabriel Alejandro	Ian Nose	Edizio eleanitza Euskarazko edizioa Ekhi Galdos		2017 03 Non Legimus: The War of The Words, Puerto Rico
12 ABENDUA	Antxintxiketan, lasterketa Demokratikoa 2	Ahabi Comics	Ian Nose	Ian Nose	Edizio eleanitza		2015ean ingelesez eta 2017ko euskarazko edizio honetan 9 orrialde gehiago
2016 8 ABUZTUA	Ed Framed 2	Ahabi Comics	Ian Nose	Ian Nose	Edizio eleanitza		2015eko urtarriletik martxora argitaratutako zintak
2016 5 MAIATZA	Ed Framed 1	Ahabi Comics	Ian Nose	Ian Nose	Edizio eleanitza		2011 azarotik 2012ko urtarrilera argitaratutako zintak