Piqo-Piqo eta Indotxinako txipiroi erraldoi izugarria
| DATA | 2023 urria euskaraz, gazteleraz eta katalanez aldiberean (jatorrizkoa gazteleraz) |
|---|---|
| IZENBURUA | PIQO-PIQO ETA INDOTXINAKO TXIPIROI ERRALDOI IZUGARRIA |
| ARGITARATZAILEA | Astiberri Txikiberri Argitalpen-zigilua |
| GIDOIA | Lucas Ferreyra |
| MARRAZKIAK | Lucas Ferreyra |
| JATORRIZKO HIZKUNTZA | Jatorrizkoa gazteleraz |
| ITZULTZAILEA | Bego Montorio Uribarren |
| FORMATUA | Azal gogorra |
| KOLOREA | Koloretan |
| TAMAINA | 22 x 29,5 zm |
| ORRIALDE KOPURUA | 120 orrialde |
| SALNEURRIA | 24 euro |
| ISBN | 978-84-18909-81-8 |
SINOPSIA
7 urtetik gorako bidaiari ezinezkoentzat
"Piqo-Piqo gaztearen mundua fantasiazkoa eta magikoa da. Piraten, yetien, minotauroen eta bestelako izaki mitologiko ausarten leinu baten ondorengoa da mutikoa, eta oasi sinestezin bat du jaioterri; han, diamante erraldoiak lurretik sortzen dira, perretxikoen antzera, eta arrokak bizidunak eta jostariak izan ohi dira.
Gaur, beste askotan bezala, Piqo-Piqo deskuidatu egin da eskolarako bidean, ipurtargi lumadun zoragarri bati segika. Gelara iristean sortu duen istripuak maisu erretxinaren pazientzia agorrarazi du, eta etxeko lan ezinezko bat agindu dio hurrengo zientzia-eskolarako: munduaren beste muturrean bizi den elezaharretako olagarro bati hortz bat ateratzea. Lanari ekiteko unea da"
Astiberriko biografiaren arabera "Ferreyra bera uharte batean bizi da, eta abentura zoro bat asmatu du, non pertsonaiak landaretza oparoko ingurunean bizi diren eta ozeano amaigabeak zeharkatzen dituzten. Albumak, bidaia handi bat kontatzeaz gain, bestelako gai batzuk ere jorratzen ditu, hala nola familia, hezkuntza, heldutasuna edota ustekabeko abenturak bizitzera ausartzeko erabaki zail eta korapilatsua. Amaieran, irakaskuntzako profesionalei eskaintzen die liburua egile argentinarrak, gaztetxoekin egiten duten lanaren esker-emate xume gisa."
