Maialen Arestegui
Maialen Arestegui Hazpandarra jantzien diseinuan aritzen da, ilustratzailea, irudigilea eta diseinatzailea da.
Bretainako Lorient-en Arte Ederretako ikasketak burutu zituen.
Gaztetatik joskintzaren autodidakta, antzerki eta ikuskizunen arloetan lan egin du, besteren artean Abderrahmane Sissako eta Aurélie Van Den Daele sortzaileekin.
Gutun-azalen diseinuan oinarritzen zen zen Cher·e·x sorkuntza egitasmoan parte hartu zuen.
Lizeoko ikaskide Cannelle Berthelot lagunarekin jantzigintza proiektu bat jarri zuten martxan Angelun: 'Double Vitrage' 80ko eta 90eko hamarkadetako laneko arropa berriei bigarren bizitza bat ematen diete, jatorri txinatarreko jantzi maskulino edo femeninoekin aritzen dira..... eta guzti hauei pintura eta diseinu propioak gehitzen dizkiete.
KOMIKIGINTZA
2021 urtean Elkar EKE-k sustatutako literatur bekak komiki proiektuak diruz laguntzea izan zuen helburu: Maialen eta Emma Arestegui ahizpek asteburu oso bat hartu zuten elkarrekin gaia eta komikiaren ardatz nagusiak zehazten, eta Beka irabazi ez arren, Elkarrek proiektua oso interesgarria zela uste zuen eta bi Aresteguitarrei komikia argitaratzeko aukera eskaini zien.
COVID19 gaitza zabaldu zen garaian estatuek konfinamenduak ezarri zituzten eta Aresteguitarrek epe horretan gazte baten bizipenak kontatzeko erabakia hartu zuten: Xan Euskal Herritik kanpo ikasten ari da hiri handi batean eta Euskal Herrira itzuli beharko da, amaren etxera.
Bakardade uneak, familiarekin eta lagunekin bizitzen dituenak tartekatzen dira, Xan dudaz gainezka dabil... komiki honetan Maialen eta Emma egileen aburuz "galderak pausatzea erantzunak aurkitzea baino inportanteagoa da"
2023ko abenduaren 1ean Baionan aurkeztu zen komikia eta ondoren Durangoko azokan.
Ondoren Senpereko ATXIK "Arno eta liburu konprometituen Azokan" parte hartu dute, haur eta gazteentzako ikastro bat eskainiz eta Sarako Idazleen Biltzarrean aurkeztu dute 'Xan'.
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKOAREN URTEA |
|---|---|---|---|---|---|
| 2023 12 ABENDUA | Xan | Elkar | Emma Arestegui | [[Maialen Arestegui] | 2023 |
