Amaia Ballesteros
Amaia Ballesteros Lopez 1978 urtean Trapagaranen jaiotako diseinatzaile grafikoa, ilustratzailea eta komikigilea da. Web orrien diseinuan diplomatura lortu zuen, Madriden Diseinu eta Komunikazio Multimediako Masterra egin zuen eta Bilbon Arte Plastikoetako eta Diseinuko Teknikari ikasketak egin zituen, Publizitate Diseinu Grafikoaren alorrean.
Bere webgunean kontatzen duenez, bederatzi urtez publizitate-agentzietan, editorialetan eta arte grafikoen enpresetan lanean aritu ondoren, bere kabuz hasi zen lanean eta estudioa sortu zuen.
Publizitate eta ilustrazio lan ugari egin ditu eta komikigintzan aritutakoa da: Saure etxerako egindako proiektuak, erakundeen kanpainetarako sortutako komikiak, fanzineetarako... Xabiroi eta Gaur 8-n argitaratu ditu komikiak ere.
Sortu dituen iraupen luzeagoko komikien artean azkena 2019an "Euskaltzaindia, euskararen 100 urteko laguna" izan da, Juan Luis Zabalaren gidoiarekin.
Beste sari batzuk ere irabazi zituen garai horretan, besteren artean “Bizkaia Maitea” Ingurumeneko lehiaketan (2006, 2007 eta 2008 urteetan), 1. saria Sestaoko Ilustrazio Fantastikoen lehiaketan. (2005 eta 2009 urteetan) 2014ean 2. saria eskuratu zuen Saure Argitaletxeak antolatutako “Fábulas Medioambientales” Ilustrazio lehiaketan.
Bere lehen albuma partekatua izan zen: 2005ean Saure etxeak Pulp Fikzioa komikia argitaratu zuen gazteleraz, katalanez eta euskaraz: Amaia Ballesterosek egin zuen albuma osatzen duten 4 komikietako bat.
2011 urtean Saure etxerako berriz ere Cartographica / Mapagilea komiki digitala sortu zuen.
Urte horretan hasi zen fanzineetan argitaratzen (Zócalo, Replika, Rumble!...) eta Xabiroi aldizkarian istorio bat argitaratu zuen Katixa Agirreen gidoiaz.
2012 urtetik aurrera Eusko Jaurlaritzarentzat tratu txarren prebentzioari eta sare sozialen erabilerari buruzko komikiak sortu zituen.
2013an Rekalde-Ortzadar Komiki Lehiaketako finalista izan zen.
2015ean "Gernika, bakearen eta adiskidetzearen alde" komikia sortu zuen, Joseba Gómezen gidoiarekin (Saure)
Ekonomia Soziala gaitzat hartuta, Oletakorta komikia sortu zuen REAS euskadirako.
Pinterest atarian bere komiki gehienen irudiak topatu daitezke
Besteak beste, ilustrazio, margo, kartel eta komiki lehiaketa ugaritan parte hartu izan dut, eta baita erakusketa askotan ere, orotara 70 sari baino gehiago eskuratuz. Guztietatik honako hauek nabarmenduko nituzke:
• • Kartel sarituak: Trapagaran, Sestao, Barakaldo, Zalla, Bakio, Requena, Antsoain, Laredo, Arzúa, Binéfar… • Komiki sarituak: León, Cornellà de LLobregat, Senpere, Portugalete, Basauri, Zumarraga, Galdakao, Tolosa, Noja, Gasteiz…
• XXX. EHUko Uda Ikastaroak, Donostian. Komiki Digitalari buruzko hitzaldia. (2011) • Arte Digitalen erakusketa, APIE elkarteak eta Getxoko Komiki Azokak antolatua (2010) • Bizkaiko “Artistas Crónicos” elkartearekin erakusketak, Bilbon eta Madrilen (2007, 2008) • “Encuentros en la Orilla” Saure argitaletxearekin. Nire komiki eta ilustrazioen erakusketa (2006) • “Cómic de Mujer” erakusketa, Ermuako Komikiaren III. astean (2002)
